Tes unha idea de negocio e non sabes moi ben por onde comezar. Organizar un equipo de traballo, conseguir financiamento, identificar e comunicar cos clientes… Son quebradeiros de cabeza que tiran para atrás moitas ideas con potencial (e iso sen falar das xestións con Facenda)

Pero non te preocupes, o Xeración Team (no marco do proxecto Erasmus+ Peas in a Pod) está a desenvolver un proxecto que che pode axudar a descubrir como por en marcha un negocio ou un proxecto viabel sen moitos cartos.

Chamamoslle Emprende Low Cost e consiste nun curso intensivo no que poder aprender aspectos básicos para sacar adiante a túa idea dunha maneira práctica, amena e individualizada.