Galeuropa 2019

As prácticas da túa vida

Isto de que vai?

Remataches os estudos e estas na casa, sen saber moi ben que facer, botando CV como que bota mensaxes nunha botella ó mar. Es o que se ven coñecendo como un Ni-Ni e poucas cousas hai máis frustrantes que iso…

Pero non te preocupes, o Xeración Team (en colaboración coa Xunta de Galicia) está a desenvolver un proxecto que che pode axudar a saír desa dinámica. Trátase nin máis nin menos do Programa Galeuropa 2019

A idea consiste en que vaias vivir unha experiencia vital no estranxeiro botando 3 meses traballando e vivindo en Portugal, Italia ou Polonia. Non queremos que por razóns económicas ninguén deixe de participar no Galeuropa por iso cubrimos todos os custes de viaxe, aloxamento, seguro e manutención no teu destino. Ademáis recibirás apoio lingüístico e cultural tanto do Xeración Team como do noso socio de acollida para que a túa integración sexa o máis doada posible.

A nosa intención e que o Programa Galeuropa 2019 sirvache para descubrir outra maneira de traballar, aprender unha nova lingua, facer amigos doutros paises, mellorar o teu CV e, por qué non? para que crezcas como persoa.

Quén pode participar?

Requisitos

Ter entre 18 e 30 anos
Estar inscrito no momento da solicitude no Sistema de Garantía Xuvenil
Non ter participado con anterioridade no Programa Galeuropa
Residir en Galicia
Non estar a traballar
Non estar a recibir ningunha acción formativa (universidade, curso do paro, ciclo…)
Con motivación para descubrir outra cultura, lingua e maneira de traballar

Sectores que ofertamos

Hostelería e restauración
Servizos sociocomunitarios
Electricidade e electrónica
Instalacións e mantemento
Impresión e deseño gráfico
Mecánica e mantemento de vehículos
Xestión administrativa
Educación e formación

Ónde te enviamos?

Como funciona o proceso?

Inscripción

Cubre a solicitude que atoparás debaixo con tódolos teus datos e envianola o antes posible
Selección

As candidaturas que cumpran todos os requisitos faremoslle un test no que comprobar a tua motivación
Preparación

Se a túa candidatura resulta seleccionada axudaremosche a que che resulte doado adaptarte a túa nova vida (e lingua)
Experiencia

O 1 de setembro de 2019 darán comezo todas a mobilidades así que se todo sae ben estarás voando ó teu destino

Máis información

Canto custa participar no proxecto?

Nada, repetimos 0 euros. De feito non terás nin que adiantar os custes da viaxe. Se estás a procura de emprego entendemos que non ten moito sentido facerche pagar un diñeiro que non tes.

Onde se desenvolven as prácticas?

O noso menú de destinos está composto por Barcellona Pozzo di Gotto (Italia), Katowice (Polonia) e Lisboa (Portugal)

Cantas prazas se ofertan?

Temos planeado enviar entre 4 e 7 participantes galegos a cada destino así que non te preocupes estarás ben acompañado/a

Onde viviría?

Encargarémonos de atoparte un apartamento céntrico e totalmente equipado (siii tamén con Internet) que compartirás con outros participantes galegos do Proxecto Galeuropa. A túa habitación será ou individual ou compartida con alguén do teu mesmo sexo.

Morrerei de fame?

So se queres… Pola nosa parte transfiriremosche cartos suficientes (entre 250 e 300€/mes) para te poidas alimentar decentemente e mesmo engordar. No que os decidas gastar finalmente será cousa túa

Que pasa se teño algún problema durante as prácticas?

Durante todo o proxecto terás un tutor galego (do Xeración Team) e outro da entidade de acollida cos que terás comunicación directa. No caso de que xurdise calqueira problema ámbolos dous tentarán resolvelo o antes posible

E se quero voltar antes?

No caso de que teñas que voltar a Galicia por causas de forza maior: enfermidade/morte de familiar ou oferta de traballo (esperamos que non se dea o primeiro caso) o noso seguro cubre o teu regreso anticipado. Se se trata de calqueira outra razón habería que falalo

En que tipo de empresas faría as prácticas?

Pois todo depende do teu perfíl. Se tes sorte e resultas seleccionado teras unha entrevista online coa entidade de acollida co fin de coñecerte e atoparte a empresa máis axeitada as túas características. Podemosche adiantar que a maioria das empresas son pemes que xa teñen experiencia acollendo xente de fora.

En que datas faría as prácticas?

Temos previsto que todas as mobilidades comecen o 1 de septembro e finalicen o 30 de novembro. Podería darse que as datas finais varien en 1/2 semanas.

Se teño máis dúbidas, a quén podo contactar?

Podes escribirnos a info@xeracion.org poñendo como obxeto Galeuropa ou ben enviarnos unha mensaxe privada á nosa páxina de Facebook

Os participantes de edicións anteriores dín…

"He descubierto que mi futuro no tiene por qué estar tan marcado sino que en la vida hay infinidad de posibilidades"

Barbara
"É unha experiencia que como persoa che fai medrar e aprender moito"

Laura
"Aprendí a valorar el trabajo, el dinero que nos dan y a relacionarme con otras culturas"

Lucas