Skip to content

ADOPTA UN ESTRANXEIRO

Convírtete en mentor dos nosos voluntarios europeos

Axúdanos a integrar os nosos voluntarios

Comezar a vivir nunha nova cidade nunca resulta doado. E se estamos a falar dun novo país xa non digamos. A xente, a lingua, maila cultura cambian e todo faise máis difícil. Cousas tan sinxelas como ir o banco ou a consulta do médico resultan un reto lingüístico.

Durante todo o ano recibimos voluntarios de toda Europa. Xente xove que está connosco entre 2 e 10 meses desenvolvendo ó seu Servizo de Voluntariado Europeo. Como sabemos que a adaptación á cultura galega pode custar a alguén vido de tán lonxe, queremos facer o proceso o máis doado posible.

E para iso precisamos de tí…

Estamos a procurar xente activa, con un chisco de tempo, capaces de comunicarse en inglés e con ganas de ser os mellores embaixadores que Ferrol poida ter. Para qué? pois basicamente para axudar os nosos voluntarios a integrarse na cidade, a descubrila, a gozala, en definitiva, a sentirse coma na casa.

Redescubrirás Ferrol

Aprender sobre a historia local, visitar os museos, coñecer novas praias… As veces precisamos dunha excusa para explorar os currunchos descoñecidos da cidade, que mellor que a de facelo para convencer a un forasteiro de que Ferrol pode chegar a ser fermosa?

Viaxarás sen saír de casa

Normalmente para descubrir unha nova cultura, probar pratos doutra cociña ou aprender un idioma diferente tes que coller un avión e prantarte noutro país. Pero e se ese país ven o teu encontro? Moito máis doado, non si?

laugh

Farás novas amizades

Dámosche a posibilidade de formar parte dun grupo de xente activa, viaxeira e angloparlante. Coñecerás xente doutros paises coa que poderás organizar festas e excursións.

Gaña creditos ECTS

Se es estudante da Universidade da Coruña podes convalidar o traballo que fagas connosco dentro dun proxecto de Aprendizaxe Servizo. Grazas o acordo de colaboración coa UDC que temos podes liberarte de parte da tua materia.

diploma